luns, 10 de outubro de 2011

CONCENTRACIÓN EN DEFENSA DO ENSINO PÚBLICO:



Este martes, 11 de outubro, a CONFAPA, da cal somos socios, invitanos a todolos pais e nais e membros da comunidade educativa, a facer unha concentración as portas do noso Centro, para manifestar o apoio ao ENSINO PÚBLICO; que será ao comenzo das clases, das 9:15 ata as 9:30, no cal faremos conta do comunicado da CONFAPA.

MANIFESTO EN DEFENSA DO ENSINO PÚBLICO:

1.-A nosa razón de ser é a defensa dunha Escola Pública de calidade que
garanta a igualdade de oportunidades das nosas fillas e fillos na Sociedade.

2.-Demandamos á Consellería de Educación a defensa ante o goberno da Xunta de Galicia da mellora continua dos investimentos no Ensino
Público.

3.-Denunciaremos a supresión de calquera profesor que poña en risco a atención á diversidade do alumnado con necesidades educativas especiais (Ao, PT), así como de calquera outro necesarios para o correcto
desenvolvemento das actividades educativas nos Centros.

4.-Os pais e profesores deben percorrer xuntos o camiño de prestigiar o labor do profesorado e reclamar unha Escola Pública cada vez de máis calidade. Por isto entendemos que as reivindicacións dos profesionais do ensino deben presentarse ante a Consellería de Educación e nunca antepóndoas aos dereitos dos alumnos.


5.-O noso total desacordo coas medidas anunciadas por numerosos claustros de profesores de suprimir as actividades complementarias (saídas culturais, organización de actos, festas, etc.), que tamén afectan á calidade do ensino público e que repercuten, ademais, na participación das familias nesas actividades e, por tanto, na vida escolar do centro.

Atetamente, a ANPA do CEIP A torre Illa.

Ningún comentario:

Publicar un comentario